Sunnudaginn 2. maí kl. 18 verður uppskeruhátíð Skíðafélags Strandamanna haldin í Víkurtúni 10 hjá Rósmundi og Rakel.  Veitt verða verðlaun fyrir skíðamót vetrarins, afhentir verða bikarar fyrir ástundun og framfarir og skíðamaður ársins verður kosinn.  Kveikt verður upp í grillinu og grilluð lambalæri.

Á lokadegi Andrésar-andarleikanna fóru 8 ára og yngri í leikjabraut en eldri krakkarnir kepptu í boðgöngu.  Í flokki 9-10 ára gekk Kolbrún Ýr 3. sprettinn í blandaðri sveit með Skíðagöngufélaginu Ulli, sveitin lenti í 9. sæti af 10 sveitum.  Í flokki 11-14 ára var sveit Skíðafélags Strandamanna í 6. sæti af 12 sveitum á tímanum 15,46 mínútur og var 2,32 mínútum á eftir sigursveit Skíðafélags Akureyrar, í sveitinni voru Harpa, Branddís og Númi Leó.

Í dag föstudaginn 23. apríl var keppt í göngu með frjálsri aðferð á Andrésar-andarleikunum á Akureyri.  Í flokki drengja 7 ára og yngri sem gengu 1 km var Friðrik 2. á tímanum 5,08 og Hilmar Tryggvi 8. á 6,20.  Í flokki stúlkna 7 ára og yngri var Inga Matthildur 5. á tímanum 5,48.  Í flokki drengja 8-9 ára 1 km var Stefán Snær 5. á tímanum 4,09.  Í flokki 10 ára stúlkna 2 km var Kolbrún 3. á tímanum 7,38.  Í flokki 11-12 ára drengja 2,5 km var Númi Leó 7. á 7,11.  Í flokki stúlkna 11-12 ára 2,5 km var Harpa 2. á tímanum 7,38 og Branddís 4. á 8,08.  Í flokki 13-14 ára stúlkna hætti Dagrún keppni vegna meiðsla eftir að hún datt í brautinni.

Í gær sumardaginn fyrsta 22. apríl var keppt í göngu með hefðbundinni aðferð á Andrésar-andarleikunum á Akureyri í frábæru veðri og aðstæðum.  Krakkarnir okkar stóðu sig þar öll mjög vel og var árangurinn þessi:  Í flokki drengja 7 ára og yngri 1 km var Friðrik Heiðar í 2. sæti á tímanum 5,03 og Hilmar Tryggvi 8. á tímanum 6,15, alls voru 10 keppendur í flokknum.  Í flokki stúlkna 7 ára og yngri var Inga Matthildur í 4. sæti af 10 keppendum á tímanum 5,45.  Í flokki drengja 8-9 ára sem gengu 1 km var Stefán Snær 5. af 8 keppendum á tímanum 4,39.  Í flokki 10 ára stúlkna var Kolbrún Ýr í 2. sæti af 9 á tímanum 8,07.  Í flokki drengja 11-12 ára sem gengu 2,5 km var Númi Leó í 6.-7. sæti af 17 keppendum á tímanum 8,09.  Í flokki stúlkna 11-12 ára var Harpa í 2. sæti á tímanum 8,09 og Branddís Ösp í 3. sæti á 8,41 alls voru 10 keppendur í flokknum.  Í flokki 13-14 ára stúlkna sem gengu 3 km var Dagrún í 6. sæti af 7 á tímanum 12,08.

Úrslitin af leikunum er að finna á heimasíðu Skíðafélags Akureyrar skidi.is

Úrslitin úr boðgöngunni eru nú komin á síðuna, en boðgangan var haldin í dag á Þröskuldum milli Arnkötludals og Gautsdals.  Þetta er fyrsta skíðagöngumót sem vitað er um að haldið hafi verið á þessum stað.  Veðrið gerði göngumönnum nokkuð erfitt fyrir, en snjórinn var mjúkur þar sem hlýtt hafði verið um daginn og meðan á göngunni stóð gekk á með hagléljum.  Skíðafélag Strandamanna þakkar fyrirtækjunum sem keyptu lið fyrir stuðninginn, keppendur fá þakkir fyrir þátttökuna og starfsfólk fær þakkir fyrir vel unnin störf.     

Þar sem spáð er vestanvindi í fyrramálið er boðgöngunni seinkað til kl. 17 á morgun sunnudaginn 18. apríl.  Gengið verður með frjálsri aðferð.

Sunnudaginn 18. apríl verður firmakeppni í boðgöngu haldin á Þröskuldum milli Arnkötludals og Gautsdals og hefst keppnin kl. 11.  3 keppendur eru í hverju liði og verður skipt í lið þannig að þau séu sem jöfnust að getu, á 1. spretti er genginn 1 km á 2. spretti eru gengnir 2 km og á 3. spretti eru gengnir 3 km.  Auglýst er eftir þátttakendum og fyrirtækjum til þátttöku, skráningar sendist til Ragnars fyrir kl. 20 á laugardagskvöldið á netfangið igrak@simnet.is">sigrak@simnet.is 

Í dag þriðjudaginn 13. apríl var troðin skíðagöngubraut á Þröskuldum milli Arnkötludals og Gautsdals, það er hvort tveggja hægt að ganga hefðbundið eða skauta.  Um kl. 18 var SSV 10 m/s og hiti 3°c.  Færið var gamall snjór í bland við nýrri blautan snjó.

Orkugangan var haldin í nágrenni Húsavíkur síðastliðinn laugardag 10. apríl.  Einn Strandamaður tók þátt í göngunni og var það Birkir Stefánsson sem tók þátt í 60 km göngu.  Hann gekk á tímanum 3.53,17 klst. og var 6. í mark af öllum þátttakendum, en var í 2. sæti af 17 keppendum í flokki karla 35-49 ára.  Birkir tók einnig þátt í göngunni í fyrra og gekk þá á um 30 mín. betri tíma en í ár í mun betra færi. 

Þá eru úrslitin úr skíðaskotfimimótinu komin á síðuna, en mótið var haldið í gær í Selárdal við Syrpu í frábæru veðri.  Startað var með hópstarti og gengið með frjálsri aðferð, keppendur í kvennaflokki gengu allar sömu vegalengd, en í karlaflokki gengu yngri keppendur styttri vegalengdir.  Í bæði kvenna og karlaflokkum var keppnin gríðarlega jöfn og spennandi og skemmtileg á að horfa og réðust úrslitin ekki fyrr en á síðasta hring.  Keppnin fór þannig fram að gengnir voru þrír 500 m. hringir og var skotið í mark tvisvar sinnum, vopnin voru prik sem hitta átti í hring á um 3 m. færi.  Athygli vekur hversu mikið betri hittni keppenda í kvennaflokki var og er greinilegt að keppendur í karlaflokki þurfa að stilla miðið betur fyrir næsta mót sem vonandi verður haldið næsta vetur.

Í dag föstudaginn 9. apríl er troðin skíðabraut í Selárdal við Syrpu.

Nú er búið að setja úrslitin úr skíðamóti Arionbanka inn á síðuna en mótið var haldið á skírdag 1.apríl í Selárdal við Syrpu.  Skíðafélag Strandamanna þakkar Arionbanka fyrir stuðninginn og sérstaklega Helgu Gunnardóttir sem mætti fyrir hönd bankans og afhenti öllum keppendum og starfsmönnum göngunnar páskaegg.  Keppendur fá þakkir fyrir þátttökuna og starfsmenn fá þakkir fyrir vel unnin störf að vanda.

Úrslitin úr Skíðafélagsmótinu eru nú komin á síðuna, en mótið var haldið í Selárdal á annan í páskum 5. apríl í sæmilegum aðstæðum, en fór að skafa í sporið í lokin.  Skíðafélag Strandamanna þakkar starfsmönnum mótsins fyrir vel unnin störf og keppendum fyrir þátttökuna.

Ef veður verður gott á Páskadag er hugmyndin að fara í fjallaferð á skíðum.  Ef snjóalög leyfa verður farið af Þröskuldum á Arnkötludal og gengið yfir Tröllatunguheiði og í áttina að Heiðarbæjarheiði og til baka.  Fylgist með hér á síðunni en nánari upplýsingar um ferðina verða settar inn á laugardagskvöldið.